عبدالله العزازي

تعالى وانا أعملك استفتاء في بلكونتنا

فيه ايه يا جدعان !!!

موقع عامل استفتاء وعد تنازلي لنهايته والحق شارك

وعايزين نقول للوزارة اننا مش عايزين الغاء الميد تيرم

الوزارة مش هتتابع الاستفتاء ده ولا هتتابع استفتاءات غيره

الاستفتاء والاستطلاع على قانون التعليم ولائحة الانضباط وحاليا الميد تيرم ماهو إلا اشتغالة

الناس تتسلى !!

لكن اللي عايزاه الوزارة هيكون

قالت تتسلى شوية على المعلمين بقانون المعلمين واترمى تاني في الدرج

قالت تتسلى شوية على الطلاب بلائحة الانضباط وعايزة تخلي الدروس للركب والخصخصة على ودنه .. ادفع ومتروحش المدرسة

ودلوقتي الدور على أولياء الأمور

الوزارة لقت أولياء الأمور عايزين يعملوا الميد تيرم على مزاجهم نحو التطوير .. وطبعا ده حقهم

عايزين الوزارة تعمل السنة بنظام الفور كوارترز .. يعني اللي الطالب يمتحنه في الميد تيرم مبجيش في أخر الترم

يعني يبقى الميد تيرم امتحان منتهي مش زي ما هو موجود

الوزارة قالت تعمل ايه ؟ اسمع الحكاية دي وانت تعرف

واحد بيشتكي ان بيته ضيق … بيكلم واحد قاله أنا عارف حل لمشكلتك بس نفذ اللي هقولك عليه

هات فرخة وربيها معاك في البيت .. ايه الأخبار ؟؟ حسيت بالضيق أكتر

طب حط كمان بطة ؟ وكمان معزة ؟ وكمان خروف ؟ وكمان حمار

إيه الأخبار دلوقتي ؟؟؟ مش قادر أعيش في البيت

خلاص شيل الحمار وبيعه ؟ إيه الأخبار ؟؟

بقى كويس شوية .. تمام طب بيع الخروف ؟ وبيع المعزة ؟ تمام ؟؟

لسه حاسس بالضيق ؟؟ خلاص بيع البطه ؟؟ لسه حاسس ؟؟ طب بيع الفرخة

ايه الأخبار دلوقتي ……. الحمد لله تمام و100 %

فهمتوا اللعبة ولا لسه

يضايقكم بحاجة علشان في الآخر تقولوا الواقع حلو .. يعني علشان تطالبوا بالميد تيرم

وأهي حاجة تسلي الوزارة والإعلام لحد ما العام الدراسي الجديد يبدأ ويستمر الهلالي ويتجددله

علشان تعرف بزنس الوزارة اضغط هنا