كتب / عبدالله العزازي

نحذر أبنائنا طلاب الثانوية العامة وأولياء أمورهم من نشر أرقام الجلوس وتليفوناتهم المحمولة على المواقع والصفحات بحجة جلب النتيجة فور ظهورها

اطمئنوا

النتيجة ستكون متوفرة على العديد من المواقع ومفيش موقع هياخدها حصري . وكله هينشر مع بعض . متقلقوش

طب ليه بتحذرنا ننشر رقم الموبايل ؟

أرقام التليفونات المحمولة بيتم إرسالها لشركات الدعاية والإعلانات وهتلاقي رقمك كل شوية يجيله رسالة أو إعلان .. وكمان تلاقي نفسك مشترك في أخبار صحف بتكلفه شهرية انت مشتركتش فيها ! او ممكن بعض الصفحات المشبوهه تبعتلك لينكات علي انها للنتيجة وطبعا بعضها مش حلو وممكن يكون فيها فيروسات

طب وليه مننشرش رقم الجلوس

لأن بعض الأشخاص بيحبوا يلعبوا وبيجربوا ويشوفوا نتايج ناس تانية ( قبلك وبعدك ) وبيتم تداول بيانات الطلاب اللي المفروض ده مستقبل ولا يتم التشهير بأحد فياريت تحرص علي خصوصية الغير

النتيجة ستكون هنا