بقلم / أحمد بدير

يشترط حصول الطالب بالشهادة الاعداديه علي نسبه مئوية 98% ( 294) وحصول الطالب علي الدرجه النهائيه بمادتين من ثلاث (الانجليزي/ الرياضيات/ العلوم) .

كما يخضع الطالب للامتحانات الأتية: كل الامتحانات online

1- امتحان Maths او رياضيات …انت بتختارعلى حسب مدرستك لغات او عربي ومش بتفرق فى الدرجات. الامتحان ده بيبقى عباره عن 25 سؤال فى ساعه المطلوب منك انك تجاوب عليهم كلهم …. كل الاسئله اختيارى ( 4 اختيارات ) طبعا بتروح الامتحان بالاله الحاسبه وورق وقلم علشان تحل فى اسئله بتبقى من نظره تعرف اجابتها وفى اسئله بتبقى عايزه خطوات وحل وكده وطبعا الاسئله بيبقى معظمها شكلها غريب وعايزه تفكير شويه …..

2- امتحان Science او علوم انت بتختار برضوا على حسب مدرستك لغات او عربيومش بتفرق فى الدرجات الامتحان ده بيبقى 25 سؤال فى ساعه برضوا وبيبقى اسهل من الرياضه شويه بس الاسئله فى كل الامتحانات بتبقى خداعه يعنى متقولش على سؤال سهل لانه عارف انك داخل مدرسه متفوقين يعنى كل سؤال فكر فيه من كذا ناحيه وكده وبالراحه وانت بتحل ومتستعجلش واهم حاجه فى الامتحان ده المعلومات العامه ارجه راجع كل العلوم اللى انت خدته فى حياتك فى المدرسه علشان احتمال تلاقى اسئله من ابتدائى عادى جدا ….

3- امتحان العربى وده بقى بيبقى اغرب امتحان فيهم بيبقى 21 فى نص ساعه واهم حاجه الوقت فى كل امتحان علشان ناس كتير كانت بتحل صح بس الوقت مكفهاش ومدخلتش المدرسه بسبب الحكايه ركزوا يا جماعه بليز وبسرعه فى الامتحان ده هتلاقى نفسك بتتريق على اللى حط الامتحان بس صدقنى الامتحان مش زى ما انت فاهم واهم حاجه التركيز وتشوف السؤال عايز اى منك ….

4- اخر امتحان هو ال IQ ودا بيبقى عباره عن 64 سؤال فى ساعه يعنى مده السؤال اقل من دقيقه متخافش الامتحان ده ممكن تدرب عليه من على النت هيفيدك كتير ولو لقيت نفسك ناقص عشرين تلاتين درجه ولا يهمك عادى جدا ………. اهم حاجه مجموع الدرجات فى الاخر

 

رابط المدارس

 

روابط نرشحها لك

لنتائج جميع المحافظات اضغط هنا

للإطلاع على قانون التعليم وتسجيل اقتراحك اضغط هنا

لمتابعة امتحانات الثانوية العامة اضغط هنا

للنماذج التجريبية لامتحانات الثانوية العامة اضغط هنا

لأدلة التقويم لثانوية 2016 اضغط هنا